Pas Presidentit, nuk ka harruar as kryeministri Edi Rama të urojë 243-vjetorin e pavarësisë së SHBA-së.
Në një postim në facebook, Rama shkruan: “Në këtë ditëlindje të Shteteve të Bashkuara të Amerikës, miqve e aleatëve më të mëdhenj të Shqipërisë dhe shqiptarëve, ju priftë e mbara të gjithëve.”
Kujtojmë se 4 korriku shënon ditën e shpalljes së pavarësisë së Shteteve të Bashkuara të Amerikës nga Britania e Madhe, në vitin 1776, kur 13 kolonitë e asaj kohe shpallën pavarësinë dhe lirinë e tyre nga qeverisja britanike.
Por edhe pse Rama nuk e ka përmendur, kreu i qeverisë feston sot dhe 55-vjetorin e lindjes, gjë të cilën ndjekësit e tij nuk e kanë harruar. Ata kanë filluar me komentet në Facebook, duke i uruar kryeministrit jetë sa më të gjatë pranë familjes.
