Teksa mazhoranca zhvillon votimet e saj monopartiake, nga ana tjetër Partia Demokratike dhe opozita ironizojnë me improvizime këto votime, me gjetje që në fakt janë shumë kreative dhe interesante.
Në një kuti bananesh që është improvizuar si kuti votimi, mbështetësit e opozitës kanë ironizuar votimet që kryen në KZAZ-në në shkollën Vasil Shanto. Për të ironizuar akoma më shumë procesin e zgjedhjeve, mbështetësit e opozitës kishin vendosur që në ruajtje të ‘kutive të votimit’ të vendosnin Policë me uniforma me atë të kohës së diktaturës.
Ashtu siç edhe ka deklaruar opozita përgjatë gjithë ditës së sotme do të bëj gjithçka për të tallur procesin zgjedhor dhe për të treguar se e gjitha është një farsë.
