Kreu i LZHK-së, Dashamir Shehi ka dhënë një lajm të ri që ka të bëjë me zhvillimet e fundit politike në vend.
Në përfundim të takimit me Presidentin e vendit Ilir Meta, ai deklaroi se bisedimet me të u fokusuan tek një datë e re zgjedhjesh, pasi nuk mund të jetë 30 qershori.
Sipas Shehit, gjatë ditës presidenti pritet që të nxjerrë një dekret të ri për një datë të re zgjedhjesh, para tetorit kur edhe do të diskutohet për hapjen e negociatave me BE-në.
Shehi tha se nga mbrëmja e sotme Presidenti mund të dalë me një vendim për të dekretuar një datë të re zgjedhjesh, por deri atëherë do të duhet të presim.
