Një 24-vjeçar ka mbetur i plagosur me thikë mbrëmjen e sotme në qytetin e Korçës pas një sherri.
Ngjarja ka ndodhur për shkak të një konflikti të çastit, ku dy persona kanë sulmuar të riun Armando Trimi. 24-vjeçari ka përfunduar në spital ku ndodhet jashtë rrezikut për jetën. Policia thotë se është në kërkim të autorëve të ngjarjes.
Njoftimi i policisë:
Në lagjen nr 17, prapa tregut të shumicës në Korçë, shtetasi A.T, rreth 24 vjeç, dyshohet të jetë dëmtuar me mjet mprehës nga dy shtetas të tjerë, gjatë një konflikti për motive të dobëta midis tyre. Shtetasi A.T, aktualisht ndodhet në Spitalin e Korçës nën kujdesin e mjekëve. Policia ka identifikuar dy autorët e dyshuar të ngjarjes dhe po punon për kapjen e tyre.
Grupi hetimor po punon për zbardhjen e rrethanave të ngjarjes.
