Policia ka vene në pranga një 32-vjeçar pasi ka aksidentuar për vdekje një grua. Ngjarja e rëndë ndodhi në Tiranë orët e vona të mbrëmjes.
Policia sqaron se shoferi u largua fillimisht, por nga kamerat e sigurisë është bërë identifikimi dhe kapja e tij.
NJOFTIMI I POLICISE
Tiranë
Nga Seksioni OPGJ-ve në Komisariatin Rajonal të Policisë Rrugore Tiranë u bë arrestimi i shtetasit A.M, 32 vjeç, banues në Tiranë.
Arrestimi i tij u bë më datë 22.06.2019, rreth orës 01.00, pasi në bulevardin “Blu” në Kamëz, duke drejtuar mjetin tip “Volkswagen” ka aksidentuar këmbësoren shtetasen L.L, 53 vjeçe, e cila si pasojë e plagëve të marra ka ndërruar jetë në spital.
Drejtuesi i mjetit pas aksidentit është larguar, por është identifikuar me anë të kamerave të sigurisë përreth vendit të ngjarjes, i cili më pas është paraqitur vetë në ambientet e Komisariatit të Policisë Rrugore ku dhe u bë arrestimi i tij për veprat penale “Shkelja e rregullave të qarkullimit rrugor” dhe “Largimi nga vendi i aksidentit” .
