Në kushtet kur përgjiimet dolën sheshit dhe është ende në diskutim nëse do të mbahen zgjedhjet, aleatët e Bashës kanë një propozim.
Krerët e partive opozitare kërkuan nga qytetarët që të vijojnë rezistencën e tyre, të marrin pjesë masivisht në protestën e datës 2 qershor, si dhe i bënë thirrje Presidentit të Republikës, si i vetmi autoritet kushtetues, të deklarojë ‘shtyrjen e zgjedhjeve lokale me 6 muaj’.zgjedhjet apo jo.
Krerët e 5 partive aleate historike të Partisë Demokratike, Fatmir Mediu i PR, Agron Duka i PAA, Nard Ndoka i PDK, Dashamir Shehi i LZHK dhe Vangjel Dule i PBDNJ, zhvilluan një bashkëbisedim të hapur me qytetarët në Kamzë nga ku bënë këto deklarata.
Në këtë organizim, që tashmë njihet si ‘Forumi për Zgjedhje të Lira’, u diskutua mbi për krizën politike, institucionale dhe ekonomike në të cilin ndodhet vendi.
Ndërkohë presidenti Meta u shpreh i gatshëm për dekretimin e një date tjetër. Në një deklaratë për mediat ai shprehej: Në këtë kuadër, shpreh gatishmërinë time institucionale, që në përputhje me kompetencën që më jep shkronja ‘gj’ e nenit 92 të Kushtetutës, të rishikoj Dekretin për caktimin e datës së zgjedhjeve vendore dhe të dekretoj një datë tjetër për zhvillimin e tyre, në përputhje me vullnetin e shprehur të palëve politike.
