Ish-deputeti Klevis Balliu është paraqitur sërish ditën e sotme në Gjykatë, për të marrë vendimin lidhur me arrestimin që iu bë disa ditë më parë teksa po mbronte banorët e Astirit.
Kujtojmë se Prokuroria kërkon burg për ish-deputetin, ndërsa ai shprehet se nuk ka frikë nga arrestimet politike.
Balliu, në një deklaratë për mediat, nënvizoi se Rama ka kapur Prokurorinë, e cila lë në “arrest shtëpie” banditët e kriminelët, ndërsa lë në burg protestuesit.
“Edi Rama është në ditët e fundit. Ai ka rritur dozën e vjedhjeve, ka shpenzuar 300 milionë euro, në një kohë që shpenzimet duhet të ishin më pak. Edi Rama ka rritur dhunën ndaj protestuesve. Rama ka kapur Prokurorinë, e cila kërkon “arrest shtëpie” për Avdylajt, kurse për banorët që protestojnë kërkohet ‘arrest me burg’. Sot po luhet fati i Shqipërisë. Nuk do lejojmë që të ketë zgjedhje moniste si koha e Enver Hoxhës”, tha Balliu.
https://www.facebook.com/partiademokratike/videos/818744831841372/
