Pas aksionit të policisë së Kosovës e cila ka arrestuar në Veri disa policë serbë të lidhur me krimin e organizuar, duket se situata eshte tensionuar.
Shefi i shtetit serb ka urdhëruar ushtrinë dhe policinë e Serbisë që të vihen në gjendje gatishmërie, raporton Express.
Edhe pse bëhet fjalë vetëm për arrestime në mediat serbe po njoftojnë se policia serbe apo ROSU siç i referohen ata ka ” hyrë në Veri” duke e dramatizuar situatën.
Gjatë aksionit të Njësisë Speciale të Kosovës në veri të Mitrovicës kanë mbetur të arrestuar 13 anëtarë serbë e që njëherësh janë pjesëtarë të Policisë së Kosovës.
Sipas Tanjug të Serbisë, Njësitë Speciale kanë arrestuar 13 persona në këtë aksion i cili ka filluar në orët e hershme të mëngjesit. Ndryshe, nga ky aksion raportohet të kenë mbetur të plagosur dy pjesëtarë të Policisë së Kosovës.Në mesin e të arrestuarave është edhe komandanti i policisë në Zubin Potok.
