Studentët kanë njoftuar për një protestë kombëtarë ditën e nesërme. Arsyeja kryesore e rikthimit të tyre është mosplotësimi i kërkesave që ata kanë patur.
Gjithashtu, një arsye tjetër qëndron dhe tek dështimi i “Paktit të Universitetit”, të cilën ministrja dhe Rama e cilësuan si risinë e tyre.
Sipas studentëve, të ftuar në emisionin “Tempora”, gjithcka është fasadë dhe propagandë, pasi shumë prej atyre që qeveria ka premtuar, nuk janë realizuar.
Që prej lëvizjeve të dhjetorit 90, protesta e studentëve u konsiderua më e madhja në tre dekada. 8 pikat u shuan, por në këtë protestë do të ketë kërkesa të reja të studentëve.
Studentët kanë menduar një protestë një ditore ndërsa fati i saj do të përcaktohet nga pjesmarrja.
