Lirohet njëri prej të arrestuarve si autor i vrasjes së biznesmenit Devi Kasmi më 29 janar 2018.
Gjykata e Tiranës caktoi masën ‘detyrim paraqitje’ për Mario Meshinin. Mbi Meshinin rëndon akuza e moskallëzimit të krimit, pasi dyshohet se ka bashkëpunuar me autorët për nxjerrjen e tij nga shtëpia.
Emri i tij doli pas verifikimit të thirrjeve dhe mesazheve në telefonin e Kasmit.
Kujtojmë se biznesmeni 40-vjeçar u qëllua disa herë me pistoletë në kokë dhe trup poshtë shtëpisë së tij në Tiranë.
Vrasja e Devi Kasmit u organizua nga një grup kriminal, dhe për vdekjen e tij dyshohet se u paguan shuma të mëdha parash.
Sipas policisë, porositës i vrasjes së tij është Domart Konjari, i kërkuar nga autoritetet shqiptare dhe franceze.
