Gazetari dhe prezantuesi i BBC-së Danny Baker u shkarkua nga puna pasi bëri një krahasim të pavend me beben mbretërore.
Ai krahasoi beben e porsalindur të çiftit Princ Harry-Meghan me një shimpanze. Shkak u bë një mesazh në rrjetin social “Twitter”, që më pas u fshi, ku shfaqej një foto e një çifti që mbante prej duarsh një shimpanze të veshur me rroba, e që shoqërohej me fjalët “Bebja mbretërore del nga spitali”.
Shefat ekzekutivë të BBC-së u shprehën se prezantuesi tregoi “një gabim tejet serioz në gjykim”. Statusin e tij, ai e quajti “një gabim të pafalshëm, dhe kërkoi ndjesë. “E mendova si një foto argëtuese, ndaj nuk ishte në kontekstin negativ”, u justifikua ai.
