Policia e Lezhës ka vënë në pranga dy persona, ndërsa ka shpallur në kërkim një tjetër për vjedhjen e një furgoni.
Blutë u njoftuan në orët e para të mëngjesit të sotëm nga pronari i mjetit A.P, banues në fshatin Ishull-Lezhë, se disa persona i kishin vjedhur furgonin dhe ishin larguar së bashku me mjetin, menjëherë shërbimet e policisë të Komisariatit Lezhë, janë vënë në ndjekje të tyre.
Në një kohë të shkurtër blutë arritën të identifikoni dhe arrestonin në flagrancë dy prej autorëve si dhe të bllokonin automjetin e vjedhur.
Shërbimet e Policisë kanë arrestuar në flagrancë në një lagje të qytetit të Lezhës shtetasit:
-A.M.,41 vjeç,banues në Kurbin
-E.P.,32 vjeç,banues në Lezhë
Ndërkohë është shpallur në kërkim dhe po punohet për kapjen e shtetasit R.K.,25 vjeç, banues në Kurbin, me precedent kriminal në fushën e vjedhjeve, i cili mundi të largohej gjatë ndjekjes nga Policia.
Materialet procedurale iu referuan Prokurorisë Pranë Gjykatës Shkallës së Parë Lezhë për veprën penale “Vjedhja”, kryer në bashkëpunim.
