Fondacioni Westminster për Demokraci (WFD) Zyra e Shqipërisë në bashkëpunim me Institutin Shqiptar për Sipërmarrjen organizon konferencën “Kostot e Hyrjes në Politikë në Shqipëri”.
Debatet ne kongerence mbeshteten ne nje studim në lidhje me kostot e fushatave zgjedhore për zgjedhjet e përgjithshme dhe lokale, duke shqyrtuar me anë të një analize të hollësishme, nxitësit e kostove me të cilët përballen deputetët, kryetarët e bashkive dhe këshilltarët e këshillave bashkiakë gjatë zgjedhjeve.
Sa kushton të angazhohesh në politikë në Shipëri? WFD po mbledh të dhëna dhe hap diskutim me partitë politike dhe shoqërinë civile për të bërë politikën më të qasshme. Të dhënat tregojnë se harxhimet për fushatë të deputetëve dhe kryetarëve të bashkive shkon nga 20 mijë deri më 300 mijë euro. A është kjo një pengesë e lartë për demokracinë?
Per të verifikuar nëse këto kosto pasqyrojnë kostot e vërteta të fushatave zgjedhore, jane bërë intervista gjysëm të strukturuara me 8 deputetë dhe 4 kandidatë për deputetë, si dhe 7 kryetarë aktualëbashkish dhe një kandidat për kryetar bashkie në Shqipëri. Nga këto intervista, është arritur të ketë një kuptim më të mirë se sa kushton kandidimi për një post politik në Shqipëri. Deputetët raportojnë se shpenzimet e fushatës së tyre elektorale gjatë zgjedhjeve të fundit parlamentare janë luhatur nga 20.000 Euro deri në 200.000 Euro.
Nga këto intervista gjysëm të strukturuara, kemi një kuptim më të mirë se pse këto kosto ndryshojnë midis deputetëve në Shqipëri. Në të njëjtën kohë, kryetarët e bashkive kanë raportuar se shpenzimet e fushatës së tyre elektorale janë luhatur nga 300.000 Euro për një bashki të madhe deri në 20.000 Euro për një të vogël. Kryetarët e bashkive raportojnë se duke qenë në detyrë, ulen kostot dhe një kandidat i ri duhet të shpenzojë më shumë.
