Vazhdojnë të kapen sasi të mëdha droge ku të përfshirë janë shqiptarët.
Këtë herë ka qenë një gomone me 1.5 ton drogë e cila është sekuestruar në Itali, ndërsa në pranga janë vënë dy skafistët shqiptarë.
Operacioni u zhvillua mbrëmjen e djeshme në brigjet Santa Maria di Leuca. Siç raportojnë mediat italiane, policia identifikoi një gomone, e cila po i drejtohej brigjeve italiane.
Dy kontrabandistët shqiptarë e hodhën drogën në det, por pas mbledhjes rezultoi që sasia ishte rreth 1.5 ton, e ndarë në 7 pako.
Nëse droga do të dilte në treg vlera e saj ishte 15 milionë euro.
