Komediani ukrainas Volodimir Zelensky arriti të fitonte garën për President gjatë votimeve që u mbajtën sot në raundin e dytë.
Ai triumfoi edhe në raundin e parë përballë 39 kandidatëve, ndërsa sot mposhti në balotazh politikanin me shumë eksperiencë Petro Poroshenko.
Ky i fundit ka pranuar humbjen por u tha mbështetësve të mbledhur në Kiev se ai nuk do të largohet nga politika.
“Unë kurrë nuk do t’ju lë vetëm”, tha para mbështetësve të tij komediani, tashmë president i një vendi prej 42 milionë banorësh.
Sondazhet e sotme e nxirrnin Zelenskyn fitues me 70% të votave.
