Eshtë bërë virale një video e Cristiano Ronaldos menjëherë pas eliminimit të Juventusit nga ana e Ajax në çerekfinalet e Champions League.
Kjo video, e regjistruar menjëherë pasi arbitri mbyll ndeshjen që holandezët e fituan 1-2 në Torino, tregon yllin portugez që vë dorën te të pasmet dhe bën një gjest që tregon se bardhezinjtë patën shumë frikë në këtë përballje.
Sigurisht që disfata në Champions nuk mund ta bëjë të lumtur Cristianon, kur blerja e tij pritej të bënte fitues Juventusin.
Edhe pse duket e pamundur kjo gjë, një tjetër gazetë e rëndësishme italiane, ‘La Repubblica’ shkruan se portugezi nuk do ta respektojë kontratën me Juven deri në vitin 2022.
