Një aksident i rëndë ka ndodhur në rrugën Fushë Krujë-Milot. Ngjarja ka ndodhur pas mesnate, ndërsa është zbuluar ditën e sotme.
Një autoveturë tip benz Mercedes me targë DR 1559 ka dalë nga rruga duke bërë disa saltro e ka përfunduar përmbys jashtë rruge. Makina ka goditur një shtyllë elektrike 6000 volt duke u këputur në disa pjesë dhe duke shkëputur energjinë elektrike.
Automjeti është dëmtuar shumë, megjithëse në spitalin rajonal të Krujës apo të zonave përreth nuk është paraqitur asnjë person.
Dyshohet se persona e aksidentuar janë nisur direkt për në Tiranë, tek Spitali Ushtarak.
