Ditën e sotme disa studentë të Universitetit Bujqësor kanë dalë në protestë për të kundërshtuar një ndërtim afër hapësirës ku ata qëndrojnë.
Pedagogë dhe studentë kanë dalë në rrugë për fillimet e një ndërtimi në territorin e tyre, që ata quajnë “të paligjshme”.
Sipas Malltezit, ka disa shkelje ligjore në këtë veprim sepse “fillimisht ajo është tokë ende në pronësi të universitetit bujqësor, dhe UBT ka një masterplan, dhe ajo toke është e projektuar për fidanishte”.
Por shkelja më e madhe sipas tij është që “nuk ka asnjë tabelë që informon për godinën që do të ndërtohet, se kush po e ndërton, nuk është respektuar asnjë procedurë”, edhe pse sipas burimeve thuhet se do të ndërtohet një shkollë.
Më tej Malltezi thotë që dhe vetë kryetari i Bashkisë ka ardhur të mbjellë pemë në këtë truall dhe se janë të domosdoshme dy gjëra: Ruajtja e fidanishtes dhe zhvendosja e ndërtimit të shkollës 100 metra më tutje.
