Ish-deputeti i PD, Bardh Spahia ka ironizuar vizitën e tretë brenda pak ditëve të ministrit të Brendshëm, Sandër Lleshaj në Shkodër, duke e vendosur përballë realitetit.
Në rrjetet sociale, ai i shkruan ministrit se disa orë pas vizitës, krimi “e përshëndet” nga Fieri me breshëri kallashnikovi.
“Sander Lleshaj ishte sot ne Shkoder per te “treguar” vemendje per qytetin e tronditur nga krimi, por disa ore me vone krimi e “pershendet” nga Fieri me bresheri kallashnikovi drejt nje biznesi e duke lene pas nje makine te djegur. Jane lajme shqetesuese qe tregojne se sa “ne ajer” eshte ministri i brendshem. I njejti minister qe paradite ne kuvend me ze e figure tregoi se ka prioritet mbrojtjen nga qytetaret qe protestojne ndaj shefit te tij, duke i quajtur madje “grupim parapolitik”! Edhe krimi i lexon qarte prioritetet e Sander Lleshajt e prandaj livadhis e sfidon shtetin. Sa kohe nuk merret me qeverine, as Sander Lleshaj nuk merret me te!”, shkruan ish-deputeti.
Ngjarja në Fier ndodhi mbrëmjen e djeshme, ku një makinë e tipit ‘BMW’ është gjetur i djegur në Fier pranë vendit të quajtur “Afrimi i ri”. Nga të dhënat e para raportohet se persona ta paidentifikuar kanë qëlluar fillimisht me armë drejt një dyqani të materialeve për makina dhe më pas i është vënë flaka ‘BMW-se’ në periferi të qytetit.
