Nuk është hera e parë që Ministri Lleshaj nderon punonjësit e policisë, kur ata kthehen në heronj pasi parandalojnë situata të ndryshme.
E njëjta gjë ka ndodhur dhe me tre punonjës policie, ndonëse jo detyrë e drejtpërdrejt e tyre.
Pas ndalimit të grabitësit të pronarit të një exchange në Tiranë (kliko këtu), tre efektivët e policisë Rrugore janë shpërblyer dhe vlerësuar nga ministri.
Ministri i Brendshëm Sandër Lleshaj takoi tre punonjësit e Policisë Rrugore, të cilët ndaluan dhe arrestuan në flagrancë grabitësin në Tiranë, në tentativën për t’u larguar.
Drejtori i Përgjithshëm i Policisë së Shtetit e ka firmosur shpërblimin për punonjësit.
Kujtojmë që më herët, ministri dhe qeveria i paguan të gjitha shpenzimet efektives Ina Nuku e cila u plagos gjatë protestës para parlamentit. Madje së fundmi, ministri e dekoroi me medalje.
