Presidenti Ilir Meta ka ndarë ditën e sotme një video, me anë të së cilës tregon momentet e lumtura dhe të fundit të futbollistit shqiptar në ekipin e Azerbajxhanit.
Ansi Agolli do të largohet nga ekipi, ndërsa Meta e vlerëson rolin e tij si ambasador i Shqipërisë atje.
“Pak ditë më parë pata kënaqësinë të ritakohesha në Baku, me futbollistin tonë të shquar, Ansi Agolli. Ndryshe nga herët e tjera, ai ishte shumë i emocionuar pasi ishin ditët e fundit të tij, pas 10 vitesh kontribut, si titullar i ekipit më të mirë të Azerbajxhanit, Karabagut. Jo vetëm unë, por cilido që në Baku është prezantuar si shqiptar, jam i bindur se ka dëgjuar fjalët më të mira për Ansi Agollin, i cili ka qenë edhe ambasadori ynë më i mirë atje. Duke i uruar Ansit suksese të mëtejshme në karrierën e tij të shkëlqyer sportive, kam kënaqësinë të ndaj me ju disa momente të lamtumirës së tij me ekipin kampion dhe fansat e tij”, shkruan Presidenti Meta.
https://www.facebook.com/ilirmetazyrtar/videos/406506660083792/?t=0
