Një grup deputetësh franceze të cilët kanë ardhur në Shqipëri në emër të Presidentit Macron nuk kanë dhënë asnjë koment lidhur me çështjet e brendshme politike në Shqipëri.
“Gjatë takimeve tona kemi pasur takime edhe me opozitën. Ne e kuptojmë qëndrimin e secilës parti. Për momentin nuk duam të ndërhyjmë në debatin e brendshëm politik shqiptar.
Por unë mendoj që për të patur sa më shumë sinqeritet në vendimmarrje këtu në Shqipëri, duhet edhe një konsensus nga ana e publikut. Duhet të kemi një lloj sqarimi si Shqipëria i trajton marrëdhëniet me fqinje. Ne duam të kemi parasysh edhe përpjekjet që bën Shqipëria për reformat, sidomos për reformën në drejtësi që është ekzemplera. Kemi nevojë për institucione që funksionojnë. Unë besoj se shqiptarët do të gjejnë zgjidhje për këtë” u shprehën deputetët.
E kundërta është për Taulant Ballën, i cili teksa shoqëronte deputetët u shpreh i bindur se në muajin qershor do të hapen negociatat me BE-në, dhe Franca do të japë mbështetjen e saj.
