Kryetarja e LSI-së Monika Kryemadhi ka zhvilluar këtë të mërkurë një takim me strukturat e partisë në qytetin e Durrësit për të bërë një deklaratë jo të vogël.
Fill pas takimit me delegacionin e Parlamentit Evropian, Kryemadhi u ka thënë anëtarëve të LSI-së në Durrës që të bëhen gati për zgjedhje të parakohshme.
Kryemadhi u ka kërkuar kryetarëve të organizatave dhe anëtarëve të LSI-së në Durrës që të jenë masivisht prezentë në çdo lagje, komunitet dhe derë më derë të të gjithë Durrësit.
“Forca e LSI-së kanë qenë gjithmonë gratë dhe të rinjtë, ndaj dhe fokusi i punës tek ato do të jetë prioritet madhor i LSI në përgatitjet për zgjedhjet e parakohshme”, tha ajo.
Kujtojmë se protesta e rradhës së opozitës do të zhvillohet më 5 mars, ditë në të cilën do të mblidhet dhe kuvendit në seancë parlamentare. E vetmja e panjohur deri më tani mbetet ora e mbajtjes së seancës, e cila do të jetë po aq dhe ora e mbledhjes së protestuesve nga ana e opozitës, ashtu siç ndodhi dhe pasditen e djeshme.
