Ndonëse është shumë i rezervuar për jetën e tij private, as Eno Popi nuk i shpëton dot kuriozitetit të publikut. Sakaq mediat rozë gjithmonë kapin detaje të jetës së tij.
Në muajin maj të vitit të kaluar Eno Popi u bë baba për herë të parë. Në jetë erdhi një vajzë të cilën e pagëzuan me emrin Liv.
Atena, e dashura e Enos, vendosi që vogëlushen ta lindte në Amerikë, e nisur nga postimet e fundit të mamasë së re, të gjithë menduan se Eno do të shpërngulet atje për të qenë afër tyre.
Megjithatë moderatori i Dilemës, ka mohuar të gjitha thashethemet, duke dhënë një përgjigje zyrtare.
‘Asgjë nuk është e vërtetë. Familja ime është këtu me mua. I kam të gjithë të afërmit këtu: Atena, vajza, babai, vëllai. Të gjithë”, mësohet të ketë thënë Popi për “RevistaWho”. Veç kësaj, Eno e ka mohuar për së dyti lajmin se do të lërë Shqipërinë, përmes një postimi në rrjetin social Instagram.
