Ministri i Brendshëm Sandër Lleshaj ka shkuar në Malësi të madhe një ditë pas video-skandalit të publikuar në media, ku një efektiv policie shfaqet duke bërë vepra të turpshme.
Lleshaj do të zhvillojë një takim me autoritetet lokale të bashkisë së Malësisë së Madhe. Fillimisht ishte parashikuar që të zhvillohej një takim në komisariatin e policisë, por kjo është anuluar.
Një ditë më parë, Lleshaj tha se ai identifikohet me policët që sot arrestuan një pervers, me policët që sakrifikojnë natë e ditë duke shërbyer.
Nuk dihet se cilat do të jenë porositë e ministrit, por aktualisht ai ka qëndruar në institucionin e Bashkisë ku ka parashikuar një takim me këshilltarët.
