Një aksident i rëndë ka ndodhur në Lezhë, ku si pasojë e tij ka mbetur i plagosur rëndë një person.
Ngjarja ka ndodhur rreth orës 06:00 të mëngjesit të sotëm pranë kryqëzimit të Ishull Shëgjin.
Një furgon është përplasur me një mjet tjetër tip ‘Renault’ dhe për pasojë ka mbetur e plagosur drejtuesja e mjetit tip ‘Renault’ .
Drejtuesja e mjetit ende e paidentifikuar është dërguar në spital dhe mësohet se ndodhet në gjendje të rëndë për jetën.
Ende nuk dihen motivet e aksidentit, ndërsa policia po punon për sqarimin e rrethanave.
