Presidenti i Shqipërisë Ilir Meta është takuar gjatë Mëngjesit të Lutjeve në Uashington me Sekretarin Amerikan të Shtetit, Mikë Pompeo.
Në një postim në rrjetet sociale, Meta shkruan se ndjehet i lumtur që sot ishte në krah të tij. Presidenti zbulon se kanë folur për partneritetin midis dy vendeve dhe rëndësinë e forcimit të sigurisë dhe stabilitetit në rajon.
Kujtojmë se më herët, me anë të një statusi në facebook, Presidenti publikoi edhe takimin që ka patur me Eliot Engel, Kryetarin e Komisionit për Politikën e Jashtme.
Statusi i Metës:
Shumë i lumtur të isha sot në krah të Sekretarit të Shtetit, Mike Pompeo gjatë Mëngjesit të Lutjeve në Uashington.
Folëm për partneritetin e shkëlqyer të dy vendeve tona dhe rëndësinë e forcimit të sigurisë dhe stabilitetit në rajonin tonë. Zoti e bekoftë miqësinë shqiptaro-amerikane!
https://www.facebook.com/ilirmetazyrtar/photos/a.1479540228758912/2122024677843794/?type=3
