Ish-ministri Ylli Manjani ka reaguar me ironi lidhur me diskutimin e fundit të ministrit të jashtëm, Gent Cakaj në Bukuresht.
Në takimin e tij të parë ndërkombëtarë si ministër i Jashtëm i deleguar nga ministri i Jashtëm i dekretuar, Edi Rama, Gent Cakaj u detyrua të përballej në Bukuresht me Ministrin e Jashtëm të Serbisë Ivica Daçiç i cili e thumboi duke i thënë se Kosova përfaqësohej në tryezë nga dy ministra të Jashtëm.
Por Gent Cakaj ka ndërhyrë duke thënë se faktikisht janë 3 minstra të Kosovës në tryezën e Samitit të minstrave të Jashtëm të BE-së dhe Ballkanit.
Lidhur me këtë bisedë, Manjani shkruan, se në këtë kungulleshë, vetëm Republika e Shqipërisë nuk ka patur ministër aty!
Postimi i Ylli Manjanit
Shumë interesant ky debati në Rumani për numrin e ministrave të jashtëm të Kosovës. Daçiç ka thënë se Kosova përfaqësohej në tryezë nga dy ministra të jashtëm. Gent Caka ka thënë se janë 3. Në këtë kungulleshë, vetëm Republika e Shqipërisë nuk paska pasë ministër aty!!! Në samitin e BE për Ballkanin.
