Ish-kryeministri Sali Berisha ka bërë publike masazhet e qytetarëve dixhitalë të cilët denoncojnë një dramë të rëndë që i ka ndodhur një fëmije 13-vjeçe në Kavajë.
Sipas mesazheeve, një nxënëse e shkollës 9-vjeçare është përdhunuar në grup nga tetë djem të shkollës.
Berisha shkruan se skandali thellohet më shumë kur përdhunimi i fëmijës është fshehur nga të gjitha instancat, duke filluar nga Zyra Arsimore e Kavajës.
Berisha shkruan: “Përdhunohet nxënësja, fshihet krimi! Ndaj përdhunuesve nuk merret asnjë masë anëtarësohen në FRESSH-in kanabist. Lexoni mesazhet e qytetarëve dixhitalë!
Doktor përshëndetje.
Jam një zonjë nga Kavaja. Dua të denoncoj mënyrën flagrante se si drejton sot Zyra Arsimore e Kavajës, zonja Sonila Peza.Prej 2 muajsh në shkollën 9-vjeçare “Rilindja”, 8 nxënës të asaj shkolle kanë përdhunuar një vajzë.ZA dhe drejtoresha e saj nuk kanë marrë asnjë masë për këtë skandal.Kemi frike të çojmë fëmijët në shkollë.Këto janë drejtoreshat e shkollave të Rilindjes. Ju lutem publikojeni.
Përshëndetje doktor Berisha.
Në shkollën 9-vjeçare “Rilindja “Kavajë përpara 1 muaji u përdhunua nga një grup prej 8 djemsh, një vajzë 13-vjeçare.
Kjo ngjarje është mbajtur e fshehtë nga të gjithë instancat.
I gjithë qyteti e di .Respekte. Ju lutem anonim pasi ju e dini shumë mirë se çfarë ndodh më pas.
