Ka shkuar në trembëdhjetë numri i punonjëseve që u helmuan në një fasonerie në qytetin e Durrësit.
Sipas informacioneve të fundit,punonjëset janë të gjitha gra, punonjëse të një ndërmarrje fasone.
Fillimisht në spital janë paraqitur 10 punonjëse, ndërkohë që pas një ore janë paraqitur dy 3 punonjëse të tjera.
Mes punonjëseve të cilat kanë shfaqur shenjat e helmimit është dhe një grua shtatzëne. Dyshohet se shkak për këtë helmim masiv është bërë rrjedhja e gazit të kondicionerit të ndërmarrjes.
Pacientet kanë paraqitur simptoma, si gjendje të fikëti, këputje dhe të vjella. Sipas Panoramës, mësohet se në vendin e ngjarjes kanë shkuar forcat e rendit që po verifikojnë shkaqet e këtij helmimi të punonjëseve të fasonerisë.
