Një incident ka ndodhur paraditen e sotme, teksa në bulevardin kryesor të Tiranës, pranë kryeministrisë, po kryhej ceremonia për 4 të vrarët e 21 janarit të vitit 2011.
Në orën 11:20 Rama ka dalë nga Kryeministria dhe i shoqëruar nga të afërmit e 4 viktimave por dhe përfaqësues të tjerë të PS dhe deputetë ku kanë vendosur lule në 4 vendet ku u vranë 4 protestuesit në Bulevard.
Me përfundimin e ceremonisë dhe lënien e luleve për të ndjerët Ziver Veizi, Faik Myrtaj, Hekuran Deda e Aleks Nikës, kryeministri Edi Rama i është drejtuar zyrës së tij në kryeministri.
Në këto momente një qytetar, kalimtar i rastit e ka quajtur “anti- shqiptar” Ramën. Menjëherë kanë ndërhyrë disa forca policore të cilat qëndronin në bulevard duke e arrestuar.
