Presidenti Ilir Meta ka një tjetër reagim ditën e sotme lidhur me situatën e krijuar mes tij dhe kryeministrit Edi Rama për çështjen e Gent Cakaj.
Në një postim në rrjetet sociale, Meta shkruan se Ministria e Jashtme nuk mund të kthehet në një autoshkolle. Ai i kujton Partisë Socialiste kapacitetin që ajo ka për të zgjedhur njerëz të tjerë për drejtimin e Shqipërisë në sferën diplomatike.
REAGIMI I METËS
Sot, në momente të rëndësishme të sfidave tona rajonale, Ministria për Europën dhe Punët e Jashtme e Shqipërisë nuk mund të kthehet në autoshkollë 🚗 ku ustai i madh kërkon të mësojë “gjeniun” si të ndryshojë kufijtë e të gjithë Ballkanit Perëndimor.
Partia Socialiste ka kapacitete të jashtezakonshme në fushën e politikës së jashtme dhe Shqipëria ka shumë diplomatë të sprovuar, të cilët mund të vendosen në drejtimin e politikës sonë të jashtme, pa kaluar nga autoshkolla 🚗 e ndryshimit të kufijve në gjithë Ballkanin Perëndimor.
Shqipëria🇦🇱 do jetë gjithmonë faktor paqe e stabiliteti në rajon.
Shqipëria🇦🇱 do ketë një lidership të besueshëm edhe në kryesimin e OSBE-së.
SHQIPËRIA E PARA.🇦🇱
