Nata e ndërrimit të viteve shoqërohet tradicionalisht me festime të ‘çmendura’ në lokalet dhe pub-et e qyteteve kryesore.
Epiqendra bëhen të rinjtë, të cilët fillojnë ta teprojnë dhe me pijet alkoolike. Mund të ishte kryeqyteti apo qytete të tjera të mëdha, por rekordin e pijeve e mban Fieri.
Mësohet se 100 fierakë, ku dominonin mosha të reja janë paraqitur në spitalin e Fierit orët e para të mëngjesit të sotëm. Ata janë shfaqur në gjendje të dehur dhe me simptoma të intoksikacioni.
Pasi kanë marrë mjekimin e nevojshëm shumë nga të rinjtë kanë dalë nga spitali në drejtim të shtëpisë së tyre.
Incidenti tjetër në qytetin e Fierit, ishte dhe plagosja e një 31-vjeçari në këmbë. Ai nuk tregoi rrethana të ngjarjes pasi rezultoi të ishte në gjendje të dehur.
