Një aksident i rëndë ndodhi në kryeqytetin turk, si pasojë e ngricave.
Mediat vendase thonë se 28 makina u përfshinë në aksident zinxhir në Ankara. Prej disa ditësh qyteti është përfshirë nga reshje të dendura dëbore dhe ngricë në rrugë, çka kanë sjellë vështirësi në qarkullim.
Sipas agjencisë turke të lajmeve “DHA”, aksidenti ndodhi në urën Aksemsettin mbi Bulevardin Perëndimor të kryeqytetit.
Në momentin që makinat po zbrisnin, ato kanë humbur kontrollin duke u përplasur me njëra-tjetrën si pasojë e ngricës.
Në mesin e makinave të aksidentuara ndodhej edhe një ambulancë. Të paktën 7 persona u plagosën në aksident, ndërsa qarkullimi në rrugë u bllokua për të paktën 1 orë e 30 minuta.
https://www.youtube.com/watch?v=497Zr22khSQ
DRONI.al
