Kreu i Opozitës Lulzim Basha ka reaguar pas lajmit se policia ka proceduar 25 persona mes tyre studentë dhe pedagogë dhe njerëz të lirë.
Në një reagim në Twitter, Basha shkruan se ky shtet po degradon përditë, kjo sepse ata që vjedhin nuk hetohen, por hetohen njerëzit e lirë që ngrenë zërin.
REAGIMI I PLOTË
Kapen duke vjedhur dhe pastruar 30 milionë euro, por as hajduti psiqik dhe asnjë nga vartësit e tij nuk është duke u hetuar penalisht. Ngritën zërin kundër qeverisë, të drejtë të cilën ja u ka dhënë Zoti dhe Kushtetuta dhe ka filluar procedimi penal për 25 qytetarë të lirë.
Ky shtet po degradon përditë në një regjim hajdut dhe shtypës në duar të krimit, por që do të shembet përpara vullnetit të njerëzve.
