Parlamenti Evropian në Bruksel do t’i kushtojë një pjesë të sesionit plenar të sotëm diskutimeve për rezolutat mbi vendet e Ballkanit Perëndimor të hartuara nga Komiteti i Punëve të Jashtme.
Gjatë ditës së sotme deputetët evropianë do të japin vlerësimin për progresin e bërë nga Kosova, Shqipëria, Maqedonia Veriore dhe Mali i Zi në rrugën e tyre drejt integrimit në BE.
Rezoluta paraqet raportin e Parlamentit Europian për raportet e Komisionit Europian mbi gjashtë kandidatët e BE-së dhe kandidatët potencialë.
Gjithashtu Parlamenti do të votojë për azhurnimin e kushteve për t’i rifutur përkohësisht kontrollet e brendshme kufitare në zonën Shengen.
Sa i përket Serbisë, Parlamenti Evropian do të miratojë një rezolutë parlamentare, fokusi i të cilës do të jetë një dokument që përfshihen 5 fusha të ndryshme, duke përfshirë edhe dialogun me Kosovën.
