Një aksident me pasojë vdekjen është shënuar këtë mëngjes në aksin nacional Maliq-Korçë.
Një makinë ka dalë nga rruga dhe ka rënë në lumë.Ngjarja ndodhi rreth orës 03:45, tek ura në dalje të Maliqit.
Mjeti me targa AA527VK drejtohej nga 24-vjeçari Gjergji Elmazi, nga Maliqi, i cili për disa orë ngeli i bllokuar, e për pasojë ndërroi edhe jetë.
Ndonëse në vendin e ngjarjes shkuan forca të Policisë dhe Zjarrfikësja, u desh ndërhyrja e polumbarëve që të bëhej e mundur nxjerrja e trupit të të riut.
Shkak u bë thellësisë së madhe e ujit, e cila vështirësonte nxjerrjen edhe të mjetit. Deri më tani nuk dihen rrethanat se si ka ndodhur aksidenti, ndërkohë policia po heton mbi zbardhjen e shkaqeve.
