Është përshkallëzuar protesta e banorëve të Astirit, të cilët sot janë zhvendosur para Parlamentit.
Së fundmi ata janë përplasur me forcat e policisë të cilët kanë blinduar dhe ambjentet hyrëse të parlamentit. Banorët, mes tyre ka dhe fëmijë, kanë tentuar të hyjnë brenda.
Burimet thonë se 20 mjete të FNSH-së janë prezente si dhe shumë forca kanë hyrë në oborrin e Namazgjasë për të qëndruar në gatishmëri në rast se situata mund të precipitojë.
BW shkruan se protestës para parlamentit të banorëve të “Astirit” i janë bashkuar edhe qytetarë nga zona e “Uzinës së Traktorit”.
