Presidenti Ilir Meta ndodhet në Kroaci, ku po zhvillon takime me presidenten kroate dhe së fundmi mësohet se ka vizituar shkollën ”Krune Krstica” në Zadar.
Kjo shkollë i ka sjellë emocione të veçanta presidentit, për shkak se aty kanë folur në shqip Ndre Mjeda dhe Gjergj Fishta.
Ja çfarë shkruan Meta:
Emocione të veçanta përjetova gjatë vizitës në Shkollën “Krune Krstica” në Zadar, me nxënësit e mësuesit e gjuhës sonë të bukur, aty ku Ndre Mjeda e Gjergj Fishta kanë folur shqip dhe ku janë shkolluar në gjuhën e tyre amtare breza Arbanasish dhe një plejadë e tërë akademikësh, studiuesish, shkrimtarësh, artistësh e sportistësh, duke krijuar vlerën e përbashkët sa Arbneshe, aq edhe kroate.
