Edhe ditën e sotme banorët e Astirit kanë vijuar me protesta para Bashkisë, për të kërkuar takimin me Erion Veliajn, por situata ka agravuar.
Banorët kanë tentuar me dhunë që të hyjnë në ambientet e bashkisë. Ata janë përplasur me policinë para bashkisë dhe kanë kërkuar që të hapet dera për të hyrë brenda.
Ata i janë drejtuar hyrjes së Bashkisë me thirrjet: “Duam shtëpitë tona”, “Shtëpitë tona janë me gjak”.
Pak orë më parë, ata bënë publike dhe peticionin dërguar krerëve më të lartë të shtetit, ku i kërkojnë të dëmshpërblehen me vlerën e tregut, ndërkohë që nga Bashkia dhe qeveria nuk ka asnjë zgjidhje.
Banorët nuk dorëzohen ende, pasi kanë njoftuar se nesër do të jenë sërish para bashkisë për të mbrojtur shtëpitë e tyre dhe se do ta përshkallëzojnë protestën në rast të një mospërgjigje.
https://www.facebook.com/partiademokratike/videos/1642091212603901/?t=0
