Adelina Toska është nëna shqiptare e dy fëmijëve, e cila humbi jetën tragjikisht në Itali.
Ajo jetonte në Casali di Poggio Nativo, Sabina, aty ku bashkëshorti punonte si murator.
33-vjeçarja udhëtonte nga Salaria në drejtim të Rieti, me një Peugeot 206, kur u përplas me një Alfa 159 Së, që vinte në drejtim të kundërt.
Përplasja ishte tepër e fortë dhe shqiptarja nuk mundi të mbijetonte. Ajo ishte nënë e dy djemve të moshës 6 dhe 12 vjeç.
Rrethanat e plota të këtij aksidenti tragjik nuk dihen ende, megjithatë të dhënat e para tregojnë se ka qenë pikërisht shqiptarja e cila ka humbur kontrollin e mjetit në rrethana ende të paqarta, duke u përplasur kokë më kokë me mjetin tjetër.
“Corriere” shkruan se i gjithë komuniteti ku ajo jetonte është në zi për humbjen e 33-vjeçare.
