Ish-kryeministri Sali Berisha, gjatë pjesëmarrjes në Forumit Ndërkombëtar të Crans Montanas, ka denoncuar përpjekjet për ndryshimin e kufijve të Kosovës, si dhe Marrëveshjen e Detit mes Shqipërisë dhe Greqisë.
Përmes një postimi në Facebook, Berisha shkruan se gjatë qëndrimit të tij në këtë forum, ka zhvilluar një seri takimesh me interes të veçantë.
Një album me foto nga punimet e Forumit Ndërkombëtar të Crans Montana 24-27 tetor në Geneve.
Në forum merrnin pjesë presidentë, kryeministra, ministra, personalitete politike nga Europa, SHBA, Azia, Afrika, Oqeania. Kryetemë e Forumit ishte: “Sfidat e Sigurisë Globale ne 100 vjetorin e Luftës së Parë Botërore”.
Në Forum denoncova përpjekjet për ndryshimin e kufijve nën projektin e Serbisë së Madhe dhe Marrëveshjen e Detit të Shqipërisë me Greqinë si dhe grabitjen e pasurive përrallore të Shqipërisë nga kapitullimi i qeverisë së Tiranës. Gjatë qëndrimit zhvillova një seri takimesh me interes të veçantë. sb
