Dy persona mbetën të plagosur në një aksident rrugor të regjistruar në aksin rrugor Qukës-Stavaj-Librazhd, në fshatin Karkavec të Librazhdit.
Mjeti tip “Golf” me drejtues shtetasin K.V, 66 vjeç, banues në fshatin Karkavec, ka dalë nga rruga dhe është përplasur me bordurën e rrugës.
Si pasojë është dëmtuar drejtuesi i mjetit shtetasi K.V. dhe shtetasi Sh.V, 36 vjeç pasagjere në këtë mjet, të cilët u transportuan në Spitalin e Librazhdit dhe janë jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
