Biznese që kanë hedhur mbeturina në buzë të autostradës Tiranë-Durrës kanë ndezur sot mbetjet duke shkaktuar një zjarr të madh që ka alarmuar edhe zjarrfikësit në Tiranë.
Flakët janë përhapur me shpejtësi, ndërkohë që në vendngjarje kanë mbërritur forca të shumta zjarrfikëse, policia bashkiake dhe rendit. Tymi është përhapur në të gjithë zonën përreth autostradës dhe në banesa.
Policia ka nisur hetimin se cila nga subjektet mund të ketë hedhur plehra në këtë zonë dhe se kush ka bërë djegien e tyre.
