Mbrëmjen e djeshme reperi Stresi u shoqërua nga policia për shkak se dyshohet se është pjesë e një grupi kriminal në Tiranë.
Policia tha se gjatë arrestimit të këtij shtetasi në ambientet e një hoteli të ndodhur në vendin e quajtur Linzë gjatë kontrollit të ushtruar i është gjetur një sasi e vogël lënde narkotike e dyshuar kokainë, një armë zjarri pistoletë e tipit “Pjetro Beretta”, si dhe 12 fishekë të modelit 7.65 mm.
Stresi tashmë akuzohet për veprat penalë të “Trafikimit të lëndëve narkotike” dhe “Krimeve kundër personit”.
Ndërkohë, në njoftimin e policisë, thuhet se Stresi është arrestuar brenda një hoteli ku ishte me një vajzë 20 vjeçare. Bashkë me Stresin në hotel ishte edhe një vajzë 20 vjeçe, e cila eshte proceduar penalisht nga ana e policisë, ndërsa mbetet ende mistet identiteti i saj.
Njoftimi i policisë për vajzën:
Nga veprimet hetimore të kryera në lidhje me ngjarjen e mësipërme filloi procedimi penal në gjendje të lirë në lidhje me veprën penale të ‘Moskallzimit të krimit’ parashikuar nga neni 300 i Kodit Penal ndaj shtetases P.Ç., 20 vjeçe, banuese në Tiranë.
