Një student indian është arrestuar për vrasjen e modeles 20-vjeçare para se ta fusë trupin e saj në valixhe e ta hedhë në rrugë.
I dyshuari, i identifikuar si Syed Hasan është arrestuar pasi trupi i pajetë i Mansii Dixit u gjet të hënën në Malad, Mumbai.
Policia tha se modelja ishte shpërngulur kohët e fundit në qytet pasi synonte të bëhej modele. Ajo u njoh me Syed nëpërmjet internetit.
Të dy ishin në apartamentin e Syed kur debatuan dhe ai e goditi me një objekt të mprehtë. Besohet se pasi e vrau, futi trupin e viktimës në një valixhe dhe e la në cepin e një rruge të qetë në Malad.
Kanë nisur hetimet për të zbuluar se çfarë e shkaktoi debatin mes çiftit.
