Shkëlqim Meta është dënuar me 9 muaj burg nga gjykata e Anglisë.
Ai ishte një emigrant i paligjshëm dhe ndërlidhës i kanabisit.
Mediat e huaja shkruajnë se shqiptarit iu gjet 7,32 kg kanabis me vlerë rreth 70,000 paund gjatë kontrollit me makinën e tij.
Ai ishte dënuar për një dokument të rremë të emigracionit në mars, duke lëvizur pa sigurim dhe pa lejë drejtimi.
33-vjeçari ndodhej në Angli prej 6 vitesh ku punonte në një lavazh në të zezë. Meta u deklarua fajtor për posedimin e kanabisit me qëllim shitjen e tij duke lëvizur me një makinë të paregjistruar në emrin e tij.
Metës iu dha një dënim prej 9 muajsh burg dhe iu ndalua drejtimi i makinës për 15 muaj e gjysmë.
