Presidenti i Serbisë Aleksandër Vuçiç është tërhequr nga vizita në fshatin e Banjës të Skënderajt.
Sipas mediave greke, Vuçiç e ka anuluar takimin me serbët e kësaj zone duke njoftuar se bisedën mes tyre do e realizojë nëpërmjet telefonit.
Kujtojmë se pak minuta më parë ai është ndaluar nga Policia e Kosovës për ta vizituar këtë fshat.
Ky vendim hyri në fuqi menjeherë pas reagimit të Qeverisë, ku Ramush Haradinaj, kryeministri i Kosovës kishte kërkuar revokim të lejes për vizitë në atë zonë
Fillimisht ishin banorët e zonës të cilët më herët vendosën drunj dhe makina në hyrje në rrugës për mos lejuar Vuçiçin të kalonte në Drenicë.
