Situata në Kosovë nuk është e qetë dhe incidentet vazhdojnë të shënohen dita ditës. Ndërkohë që Vuçiç ndodhet në Kosovë duke zhvilluar takime, presidenti i Kosovës, Hashim Thaçi ka zgjedhur Durrësin për të pushuar.
Ai ndodhet në shoqërinë e homologut të tij, presidentit të Shqipërisë, Ilir Meta. Vetë presidenti Meta e ka bërë publike prezencën e Thaçit aty duke postuar një foto me të.
Presidenti i Shqipërisë, Ilir Meta shkruan:
Kënaqësi të takohesha sot në Durrës për një drekë pune me Presidentin e Republikës së Kosovës, z.Hashim Thaçi. Rritja e mëtejshme e shkëmbimeve të gjithanshme midis dy vendeve është një prioritet i përbashkët. Forcimi i stabilitetit rajonal dhe perspektivës europiane të rajonit është qëllim i përbashkët.
Ndaj është me rëndësi vazhdimi i dialogut për normalizimin përfundimtar të marrëdhënieve Kosovë – Serbi që do të garantojë jo vetëm njohje reciproke midis dy vendeve si edhe të ardhmen e tyre në BE por dhe një bashkëjetesë të përhershme midis shqiptarëve e serbëve në interes të gjeneratave të ardhshme.
