Na ndajmë më pak se dy orë nga takimi i Ligës së Kombeve mes Shqipërisë dhe Izraelit. Në takimin e vlefshëm për Grupin C të kompeticionit më të ri të UEFA-s, Federata Shqiptare e Futbollit ka nisur një promocion vërtetë interesant.
Burime pranë shtëpisë së futbollit bëjnë me dije, se ka nisur një fushatë ku i bëjnë thirrje tifozëve për të qënë sa më të shumtë në shkallët e “Elbasan Arena”. Dhe duke marrë shkas nga kjo, FSHF i jep çdo tifozi që blen biletë për këtë takim, një biletë falas. Njoftimi është dhënë në faqen zyrtare të FSHF-së në “Instagram”.
Një mënyrë mjaft e mirë për të qënë sa më afër kombëtares dhe për ta mbështetur atë në rrugën më të shkurtër drejt Europianit.
